Drumsound ( Andrew Wright & Ben Wigget ) се едни од водечките heavyweight диџеи/продуценти во светот на drum and bass. Во последните 10тина години тие се едни од ретките артисти кои што имаат издавано за скоро сите DnB издавачки куќи во светот, почнувајќи од Prototype Records, BreakBeat Kaos до Good Looking, Creative source и сл.
Покрај тоа што издаваат за други издавачки куќи Drumsound успешно ја водат и својата издавачка куќа Technique Recordings. Со траки како Odyssey, Cape fear, Skumbag, Cold Turkey и од поновите Everybody Pump не е тешко да се согледа зошто овие дечки добиваат редовна поддршка од сите поголеми диџејски имиња на DnB сцената. Покрај главењето во студио, момците се на се повеќе турнеи низ целиот свет заедно со некои од најпознатите диџеи и емсија, на некои од најголемите журки како што се: One nation, Accelerated Culture, Slammin vinyl, Warning, Innovation, World of drum & bass, Raveology итн.
Сето ова искуство во глобалното DnB коло не само што ги прави одлични диџеи туку им помага со своето знаење да продуцираат звук кој што е цврсто етаблиран во drum and bass халата на славните. Лесно е да се види зошто постојаната посветеност на Drumsound кон креирање на квалитетна и разноврсна музика ги држи на врвот толку долго време.
Drumsound се состои од двајца членови, Енди и Бен. Секој од нив го вложува својот индивидуален талент во групата која денес се смета за една од најдобрите диџеј/продуцент колективи во 21от век.
Енди е главниот продуцент/инжинер кој се занимава со правење drum and bass и градење на своето студио уште од 1995. Бен доаѓа од сосема различна средина. Тој работи како диџеј веќе една деценија пуштајќи музика и тоа од hip-hop, hardcore до jungle, techno, и на крај drum and bass. Во текот на последните 6 години пушта музика низ целиот свет заедно со останатиот дел од издавачката група Technique recordings.
Почетната идеја позади Drumsound била здружување на силите на локалните диџеи/продуценти со цел да напредуваат побрзо како една цврста екипа отколку полека како поединци. Продуцентите ги правеле песните кои што диџеите ги пуштале на забави во локалните клубови. Со тек на времето песните станале прочуени по „кинење“ на подиумите и не поминало долго време кога и веќе докажани диџеи почнале да им даваат поддршка и желба да ги издаваат и пуштаат нивните песни. 
Во 2004 година DRUMSOUND заедно со Simon ‘Bassline’ Smith ја издаваат моќната „Одисеја“ (Oddysey) која ќе стане број еден на UK Dance листата и десетто место на листата на денс химни во 2004 на списанието MixMag. Во 2005 го издаваат својот деби албум „Nature of the beast“ и низа други издавања за Renegade Hardware, Creative Source, Full Cycle, V Recordings, Formation, CIA и секако за нивната Technique Recordings.
Drumsound доаѓаат во Скопје со диџеј сет на 05 јуни во Сабота во Капан АН. Се гледаме таму!
Повеќе за Drumsound можете да најдете на следниов линк:
http://www.myspace.com/drumsounduk
